حكاية "عصفور" الكيان الكبير ...وعلاقته ب"المسئول البارز"

حالة من الاستغراب والاستهجان الشديد تشهدها أروقة كيان كبير يوجد به قيادات قطاع الكهرباء  نتيجة قيام أحد القيادات بنقل كل صغيرة وكبيرة للمسئول الاول بتلك الكيان من صح وغلط مش كدا وبس ...العصفور دا اللى أصبح على مرٱى ومسمع من الجميع بقى يتدخل فى كل صغيرة وكبيرة ببعض الشركات ليس ذلك فحسب لا بقى يشغل دماغه ويتكلم بإسم المسئول البارز ويهدد باللجوء له والابلاغ عن بعض الوقائع حتى لو مش صحيحة ( جالك قلب وقوة من فين" يرحم أيام زمان  ..

خلال انعقاد إحدى جلسات مجلس إدارات بعض الشركات الذى انضم إليه "العصفور" قام بطرح بعض الأسئلة على المتقدمين لشغل بعض الوظائف بطريقة استفزازية جدا مما دفع عدد من أعضاء مجلس الإدارة لنهره ومطالبته بعدم التفلسف وتشغيل الدماغ وعدم اضاعته وقت المجلس فى أسئلة لا تثمن ولا تغنى من جوع ..صحيح ما هو كفاية عليه الوجبة والبدل "الباكوين" !!!!

أيها العصفور فى رسالة لك ممن قمت بنقل معلومات عنهم للمسئول البارز انت انكشفت ووقعتك سوده مربربة وقريبا سيتم قص أجنحتك ...خليك فى نفسك وقول الحمد لله إنك بدأ يترضى عليك عند المسئول البارز بس مش كل مرة تبقى "عصفور" وتنقل الاخبار وتدارى فشلك بإصطياد المياه العكره واستغلال ثقة الناس فى نقلها لمكتب المسئول البارز ...مش كفاية انك هربااااان على طووول خارج الكيان.... 

ياريت محدش يسأل عن العصفور ...اللى هيعرف الإجابة لوحده هيكون له "هدية" على قد الإيد ...