عامل بكهرباء دمياط يروى مآساة من داخل مستشفى الكهرباء بألماظه

 

أرسل تامر شاهين موظف بقطاع كهرباء دمياط رسالة استغاثة لقيادات ومسئولى وزارة الكهرباء والطاقة المتجددة والشركة القابضة لكهرباء مصر طالبهم فيها ضرورة اتخاذ اجراءات صارمة ورادعة تجاه ما تشهده مستشفى الكهرباء من معاملات غير انسانية لا تليق بالعاملين بالقطاع بإعتبار أن المستشفى بمثابة كيان يمثل الجميع ويقوم على تقديم وتذليل اى صعاب

وقال  الموظف فى رسالته :_"

"انا اسمي تامر شاهين موظف في قطاع كهرباء دمياط،

انا دلوقتي نايم في الشارع قدام مستشفي الكهرباء بسبب اني رايح اعمل عملية الصبح الساعه ٩ المفروض هتحجز الاربع روحت المستشفي خلصت الورق والاشعه والتحاليل وكل حاجه وعملت دخول بعد عذاب وروتين ممل معتاد وكان معايا ابن اختي شاب عنده ١٧سنه جاي معايا عشان يكون مرافق طلعنا الاوضه وفضل قاعد معايا لحد انتهاء ميعاد الزياره وجالي الأمن قولتله هو هيبقي معايا مرافق عشان بكره هعمل عمليه الصبح قالي لازم جواب الدكتور قولتله الدكتور هيجي بكره قالي خلاص يا تدفع ٣٥٠ جنيه يا يمشي قولتله مش مشكله ادفع وكدا كدا تقريبا ممكن استرد الفلوس لما اجيب الجواب من الدكتور. 

واستطرد قائلا :"قابلت المدير المسئول د علاء وبعد محاولات قالي انزل مكتب الدخول ادفع الفلوس وهات الوصل بس مش هتستردهم قولتله مش مشكله نزلت للموظف بتاع الدخول قالي لا ومش هينفع ومدير المستشفي قايل درجه تانيه ملهاش مرافق قولتلهم احنا من دمياط والوقت اتاخر ومش هعرف اخليه يروح لوحده في الوقت دا ممكن ادفع ال ٣٥٠ ويبات معايا والصبح بعد العملية نكون جبنا الجواب ويقعد رسمي ولو الجواب مجاش هخليه يروح بكره  قالوا لا برضوا وصمموا ع الرفض قولتلهم طيب هنقعد تحت في الاستقبال للصبح برضوا مرضيوش قالوا بره المستشفي خالص وهنا جه دور بتوع الأمن مخلوقات بيختاروها بعنايه شباب ميعرفوش يعني اي احساس ولا انسانيه الا واحد فيهم مش عارف اسمه ربنا يباركله مش راضيين حتي يقعدوه جوه البوابه ع الباسطه بتاعت الزرع اللي الناس كلها بتقعد عليها مرضيوش و مكانوش عايزني حتي أخرج اقعد معاه لولا اصريت و البيه المدير بتاعهم طلع مواصيهم علينا اوي برغم لا عملنا شغب ولا اتكلمنا ونفذنا اللي قالوا عليه وحاليا فارش ع الارض ونايم وانا قاعد جمبه عشان خاطر قرارات من ناس مفيش في قلوبها رحمه وانا قررت افضحهم ومش هسكت وتقدروا تشوفوا الصور  🙂👏..

تعقيب عالم الطاقة :_

كلنا ثقة فى سرعة استجابة وتحرك  مسئولى الشركة القابضة لكهرباء مصر بقيادة المهندس جابر دسوقى رئيس الشركة القابضة لكهرباء مصر والمحاسب عبد المحسن خلف العضو المتفرغ للشئون الإدارية والموارد البشرية والتدريب بالشركة القابضة لكهرباء مصر والدكتورة غادة ماهر رئيس قطاع مستشفى الكهرباء فتح تحقيق عاجل و موسع فى الواقعة، خاصة أنهم يؤكدون دائما وأبدا على حسن معاملة العاملين بالقطاع وتقديم أفضل الخدمات اليهم بإعتبار أن مستشفى الكهرباء هدفها الأساسى تقديم أفضل خدمة صحية لجميع العاملين من مختلف المناطق...