المؤقتون بـ PMS يطالبون المهندس السيد البدوي بالتثبيت (شكوي)

  عالم الطاقة: وردت شكوي لـ"عالم الطاقة" من خلال الرقم المخصص لخدمة "واتس آب طاقة" طالب فيها العاملون المؤقتون بشركة خدمات البترول البحرية PMS المهندس السيد البدوي، رئيس مجلس الإدارة والعضو المنتدب بالثبيت أسوة بزملاءهم وكان نص الرسالة كالتالي"

بسم الله الرحمن الرحيم

السيد رئيس تحرير عالم الطاقة تم تعيينا بشركة pms  في2014 وعندما طالبنا بتثبيتنا في الشركه بعد سنتين حسب القرار المرفق  فوجئنا  برفض  أ.هشام البطل، مدير عام الشؤون الاداريه  ومبرره أنه يوجد جدول من الهيئه وأخر تعيين فيه دفعه عام 2013، مع العلم أن القرار اللي فيه الجدول ده،  فيه بند بيقول يتم تعيين كل العماله الفنيه في القطاع كل عامين وحط خط  تحت العماله الفنيه في القطاع  ونحن ننتمي للقطاع .. وعندما سألنا الهيئه قالوا لنا أن الشركه هي المسؤلة عن التثبيت والإدارية في الـ pms تقولنا ..أصل  اللي أتثبتوا  قبل  كده  أثبتوا  بعد ثوره  .. مش عارفين يعني ايه أثبتوا بعد ثوره  ، عاملوا  العاملين باحترام وآدميه  نستحلفكم بالله التدخل  احنا سننا بيكبر  وعندنا أولاد  وعايزين نستقر  ومش عارفين نقابل المهندس السيد البدوي  ونعلم أنكم تقدروا توصلوا له  سننا بيكبر  ونفسنا نكون زي زملائنا المثبتين  مراعاه للعامل النفسي  ونلحق نشترك في المعاش التكميلي  فعملنا فيه خطورة  ومن حقنا التأمين  وعلي فكره كل القطاع ملتزم  بالتثبيت للعمالة  والإداريين  مش عارف ليه الpms بيعاكسونا  نطالب بمساوتنا بدفعه2013 اللي أثبتوا بعد سنتين في2015. .عايزين نعرف ليه الإدراية مش عايزنا نستقر وليه مش معترفين ببند تثبيت العماله الفنيه كل عامين وعل فكره احنا عدد قليل وطالما الشغل محتاج لنا يبقوا يثبتونا  نستحلفكم بالله التدخل وشكرا لكم"