الرئيس السيسي: الدعم بيكلفني 3 تريليون.. وأسعي لتغيير حياة 50 مليون مواطن
اكد الرئيس عبد الفتاح السيسي ، انه يسعى لتغيير حياة 50 مليون مواطن ، متابعًا:" أنا بتكلم في القضايا مش عشان وجهة نظر أنا قعدت أدرس الكلام ده 50 سنة ، وبختار الوقت عشان أتكلم مع الناس ، ولكن الكلام فقط لن يغير المسألة ، أنا مش هلغي الدعم متخافوش .. لكن هنعيد تنظيمه”.
وتابع خلال افتتاح عدد من المشروعات السكنية
"الحكومة بتتعذب وهتتعذب معايا ، مش عشان العذاب هدف لكن عشان نحول حياة الناس وحياة البلد من لادولة إلى دولة ذات شأن ".
وقال الرئيس السيسي : "الأولاد اللي هتتربى في بلد عشوائية هتهد البلد لأنهم مأخدوش منها حاجة " متابعا:" الدعم بيكلفني 3 تريليون و الناس استغربت لما اتكلمت في رغيف العيش ، وقالولي انت بتكلم في الموضوع ده ليه ، وخلال الـ 50 سنة اللي فاتوا كان في خطط كتير لكن الظروف دي مش هينفع تستمر علطول ".
