رسالة نارية تصف تضحيات العاملين بالحقول وأوضاعهم الصعبة "زميلك جامبك وتلاقيه واقع ميت.. عريس فرحه لما ينزل ويموت فوق في الجبل"
عالم الطاقة:
نشر أحد العاملين بإحدي شركات إنتاج البترول بالصحراء الغربية علي موقع التواصل الإجتماعي "فيس بوك" رسالة وصف فيها أوضاع العاملين بالحقول وكيف يغتربون عن أهلهم وأسرهم وأوضاعهم المعيشية في الصحراء ومنصات الإنتاج وقال "دا شغلنا يجو بقي يورونا نفسهم
أحب أعرفهم إن الملابس اللي لابسنها بتتعصر سولار ومياه والله نفسي يجو يوم ويشتغلوا زينا كده ، يوم في الصيف، ويوم في الشتاء، وأحب أعرفكم برجال يعملون في الظل ولا يريدون في الحياه الا ستر ربنا، وأنه هو وعليته يعيشو عيشه كريمه، مش عايزين حد يتكلم علي حاجه غير لما يعرف إيه الموضوع، إحنا مش بنقول زي البنوك ولا زي الكهربا ولا نتساوي برواتب العاملين بالبترول في الخارج، عايزنهم يعرفوا إننا بنموت بعيد عن أهلنا، عايز أعرفهم أننا بنمرض في مواقعنا وبردو بنشتغل، يعرفو كمان إننا سيبين أحلي اعمار ولدنا وسيبنهم علشان أكل العيش، عايزهم يعرفو إننا بنسيب عيالنا في الأعياد والمناسبات، عايزهم يعرفو ايه شعور واحد وهوه نازل بزميل ليهم متوفي، عايزهم يعرفو اننا بنقبض بدون تميز بس بيخدو صحتنا، عايزهم يعرفو إننا واحنا مروحين للكرفان المياه وشبكه التلفون قاطعه، عايزهم يعرفو إن الواحد بيسافر اقل حاجه 6 ساعات لحد ما توصل سيوه يعرفو كمان إن لو جالك اتصال ليك مراتك ويقول مراتك وضعت ومتقدرش ترجع، لان زميلك عايز يشوف أهله، إن ابوك او امك مرضي ومتقدرش ترجع، ان ابناك او بنتك زراعه اتكسر ومتقدرش ترجع، وعايزهم يعرفو إننا زي العساكر الي بيموتو في الخندق مع بعض بردو، عايزهم يعرفو إن زميلك واقف جامبك ومتلقهوش جنبك تلاقيه واقع جنبك ميت خبطته حاجه، إن في عريس طالع الشغل وفرحه لما ينزل وبيموت فوق في الجبل، عايزهم يعرفو اننا مافيش حد يعرف إننا بتوع بترول ويسبك في حالك ولو مشتغلناش مش هنقبض علشان المرتبات الي بيطالب انها تنزل كلها بدلات، واحنا زي أي موظف في مصر مش عايزين تميز عايزين حد يحس بينا حد يتقي الله فينا، حد يسمع لمشاكل العاملين حد بيوعد وميخلفش لانه لو كذب كده دخل دائرة النفاقوالله انا قولت كل ما أعرف ولا أقول إلا الحق"
